Арба

Қойылым кейіпкердің жалғыздықпен күресу жолынан бастау алып, күрделі эмоциялық және психологиялық көріністері арқылы өрбиді. Оқиға барысында Темірланның өмірдегі әр қадамда өскенін, ер жеткенін, әкесінің естеліктерімен тіршілігін жалғастыру жолында сынақтарға төтеп бергенін көреміз. Оның кейде қайғырып, күңіреніп, келесі сәтте жаңа бір үміттің артын байқауы өмірдің талай жақтарын көрсетеді. Бұл қойылым - өмір арбасының жетегіне жегіліп кетпей, қанша құласаң да, аяққа тік тұрып жарыққа ұмтылуға шақырады.